Ginpasimple nga Paagi sa Pagbag-o sing Suskripsion

Tubtob karon, ang mga suskritor sang Ang Lalantawan kag Magmata! nagabaton sing duha ka pahibalo nga ang ila suskripsion matapos na. Ang una amo ang isa nga naimprinta na nga daan, ang Expiring Subscription slip nga ginahatag sa mga suskritor paagi sa kongregasyon.

Ang ikaduha nga pahibalo amo ang subscription renewal form nga ginasal-ot anay sa naputos nga magasin nga ginapadala sing direkta sa suskritor paagi sa koreo. Sugod sa Hunyo 1 kag Hunyo 8 nga mga guwa sini nga tuig, ang mga suskritor sang naimprinta nga mga magasin indi na makabaton sing subscription renewal form nga ginasal-ot sa magasin. Sa baylo, ginaimprinta ang isa ka mensahe nga nagapahibalo kon san-o ini matapos sa putos sang suskripsion.

Ang naimprinta nga mensahe sa putos sang magasin mangin isa ka pahanumdom nga ang suskripsion malapit na matapos. Kon makita mo ang naimprinta nga mensahe apang wala pa makabaton sing Expiring Subscription slip, pakig-anguti palihug ang utod nga lalaki nga nagauyat sang mga suskripsion sa inyo kongregasyon. Ang ginbag-o nga mga suskripsion dapat pirme isumiter paagi sa kongregasyon.

Para sa mga suskripsion nga nakuha gikan sa latagon, ang panguna nga paagi sang pagpahibalo amo ang naimprinta na nga daan nga Expiring Subscription slip nga ginahatag paagi sa kongregasyon. Sa gilayon nga mag-abot ining mga pormas sa kongregasyon, dapat hatagan sing igtalupangod ang paghatag sa sini sa mga manugbantala nga nakakuha anay sang mga suskripsion. Sanglit ang mga suskritor indi na makabaton sing renewal form nga nasal-ot sa magasin, importante nga duawon naton ining mga interesado kag palig-unon sila nga bag-uhon ang ila mga suskripsion.​—⁠Tan-awa Ang Aton Ministeryo sa Ginharian, Nobiembre 1988, pahina 8, kag Pebrero 1986, pahina 4.

Ining suno-sa-tion nga mga magasin padayon nga magaiwag sing espirituwal nga kapawa sa nadulman nga kalibutan. Napat-od namon nga ang tanan magakooperar sa sining bag-ong kahimusan agod ang tanan nga suskritor sang Ang Lalantawan kag Magmata! wala sing isa ka guwa nga mawasi.