Kon Ano ang Isiling Tuhoy sa mga Magasin

Ang Lalantawan Nob. 15

“Nakabati na kita sang ekspresyon nga ‘si Jesus napatay tungod sa aton.’ [Balikwata ang Juan 3:16.] Napaligban mo na bala kon paano ang kamatayon sang isa ka tawo makaluwas sa aton tanan? [Pasabta sia.] Ang Biblia nagahatag sing simple nga sabat. Ining artikulo, ‘Si Jesus Nagaluwas​​—⁠Paano?,’ maathag nga nagapaathag sini.”

Awake! Nob. 22

“Ginahimo bala sang mga tawo ang ila bug-os nga masarangan agod maamligan ang palibot? [Pasabta sia.] Madamo ang nagapalibog kon bala ang delikado nga pagkabalanse sang kabuhi sa duta magalawig sing walay latid. Sing mapasalamaton, ang Dios interesado gid. [Basaha ang Nehemias 9:6.] Ginabinagbinag sang Awake! kon ano nga palaabuton ang nagahulat para sa kabuhi sa duta.”

Ang Lalantawan Dis. 1

“Sa sini nga tion sang tuig, ang madamo nga tawo masako sa paghatag sing regalo kag sa iban pa mainayuhon nga mga buhat. Nagapahanumdom ini sang Bulawanon nga Sulundan. [Basaha ang Mateo 7:12.] Sa banta mo posible bala nga magkabuhi suno sa sini nga pagsulundan sa bug-os nga tuig? [Pasabta sia.] Ini nga magasin nagahatag sing madamo nga butang nga dapat hunahunaon tuhoy sa ‘Ang Bulawanon nga Sulundan​​—⁠Praktikal Pa Bala Ini?’”

Magmata! Dis. 8

“Ang Biblia nagasaad nga sa pila ka adlaw wala na sing magasiling, ‘Nagamasakit ako.’ [Basaha ang Isaias 33:24.] Nahisanto sa sini nga saad, ini nga guwa sang Magmata! nagahatag sing igtalupangod sa balatian nga nagapaantos sa minilyon ka tawo, mga bata man kag tigulang. Natig-uluhan ini sing ‘Paglaum Para sa mga May Arthritis.’ Napat-od ko nga ini nga mga artikulo makahatag sa imo sing mapuslanon nga impormasyon.”