Kon Ano ang Isiling Tuhoy sa mga Magasin

Ang Lalantawan Nob. 15

“Tanan kita luyag gid sang isa ka malipayon kag mapuslanon nga kabuhi. Ugyon ka bala sa ginsiling ni Jesus diri tuhoy sa sekreto sa pagtigayon sing kalipay? [Basaha ang Mateo 5:3. Nian tuguti sia nga makasabat.] Ginapaathag sini nga magasin kon paano ang pagpaayaw sang aton duna kag panguna nga kinahanglanon sa pagsimba sa Dios nagahatag sing kahulugan sa aton kabuhi.”

Magmata! Nob.

“Nagakabuhi kita karon sa panahon sang siensia kag pagpangduhaduha, kag madamo nga tawo ang nagapati nga indi na suno sa tion ang Biblia. Ano sa banta mo? [Tuguti sia nga makasabat.] Nahibaluan mo bala nga sibu gid ang tanan nga ginasiling sang Biblia nga may kaangtanan sa siensia. [Basaha ang Job 26:7.] Ining pinasahi nga gua sang Magmata! nagahatag sing makapalig-on nga rason kon ngaa masaligan ang Biblia.”

Ang Lalantawan Dis. 1

“Ano ang sabat mo sa sini nga pamangkot? [Basaha ang pamangkot sa panghapin. Nian tuguti sia nga makasabat.] Katuyuan sang Dios nga mahiusa ang tanan nga tawo. [Basaha ang Salmo 46:8, 9.] Ginapakita sini nga magasin ang ginasiling sang Biblia kon paano matigayon ang paghiusa.”

Magmata! Dis.

“Ang iban nagapati nga ang kamatayon isa lamang ka alagyan pakadto sa pihak nga kabuhi; nagpati ang iban nga diri na lang kutob ang kabuhi. Sa banta mo, dapat bala kahadlukan ang kamatayon? [Tuguti sia nga makasabat.] Talupangda kon ano ang pagpati ni Job kon mapatay sia. [Basaha ang Job 14:14, 15.] Ginasaysay sing maathag sini nga magasin kon ano ang nagakatabo sa aton kon mapatay kita.”