Kon Ano ang Isiling Tuhoy sa mga Magasin

Ang Lalantawan Agos. 15

“Ano sa banta mo ang pinakamataas nga porma sang pagkamainunungon? [Tuguti sia sa pagsabat.] Ginapadaku sining artikulo ang pagkamainunungon sa matuod nga Dios. [Buksi sa pahina 5, kag basaha ang 2 Samuel 22:26.] Nakahibalo ka bala nga ang pagkamainunungon sa Dios makapugong sa mga tawo sa pagtratar sing di-mahigugmaon sa iban? Nakahibalo ako nga malipay ka gid sa pagbasa tuhoy sa sini.”

Magmata! Sept. 8

“Nagakabalaka ka bala bangod ang problema sang katawhan sa polusyon indi na makontrol? [Tuguti sia sa pagsabat.] Ang panguna nga kabangdanan sang problema amo ang pag-uyang. Gintudluan ni Jesus ang iya mga sumulunod nga mangin makinot. [Basaha ang Juan 6:​12.] Ginapakita sining magasin kon paano ang pagsunod sang mga prinsipio sang Biblia nagabulig sa mga pamilya nga likawan ang mauyangon nga mentalidad.”

Ang Lalantawan Sept. 1

“Natalupangdan mo bala nga sa madamo nga lugar ang mga magkaingod wala na nagakilalahay kaangay sadto? [Tuguti sia sa pagsabat.] May ginsiling si Jesus nga isa ka prinsipio nga amo ang isa ka yabi agod mangin maayo nga kaingod. [Basaha ang Mateo 7:​12.] Ginapakita sining mga artikulo kon paano kita mangin maayo nga mga kaingod kag mapalig-on ang iban nga mangin amo man.”

Awake! Sept. 8

“Para sa kalabanan karon, ang kabuhi puno sing pagkawalay kapat-uran. [Basaha ang Manugwali 9:​11.] Diin masapwan ang masaligan nga panuytoy? [Tuguti sia sa pagsabat.] Ang iban nagliso sa numerology. Amo bala ini ang paagi agod mahibaluan mo ang imo kapalaran? Diin ka bala makakita sang masaligan nga impormasyon tuhoy sa palaabuton? Ginahatag sang Awake! ang mga sabat.”