Kon Ano ang Isiling Tuhoy sa mga Magasin

Ang Lalantawan Agos. 15

“Ginapabaloran sang kalabanan nga tawo ang maayo nga reputasyon. Ang iban nagapalibog pa gani kon paano sila dumdumon kon mapatay sila. Nahunahuna mo man bala ini? [Tuguti nga makasabat. Nian basaha ang Manugwali 7:1.] Ang Lalantawan nagahinun-anon kon paano kita makatigayon sing maayo nga ngalan sa atubangan sang mga tawo kag sang Dios.”

Awake! Agos. 22

“Kon ikaw ukon ang isa ka katapo sang imo pamilya simusimuon, nahibaluan mo kon daw ano ini ka sakit. [Tuguti nga makasabat.] Ini nga isyu sang Awake! nagahatag sing praktikal nga mga panugda sa mga ginasimusimo. Ginabinagbinag man sini ang saad sang Dios tuhoy sa tion nga wala na gid sing amo sini nga mga problema sa kabuhi.” Basaha ang Miqueas 4:4.

Ang Lalantawan Sept. 1

“Madamo nga tawo ang nagabatyag nga ang nagkalainlain nga relihion sang katawhan magkatuhay lamang nga dalan nga isa lang sing padulungan. Ang iban naman nagapati nga may isa lamang ka matuod nga relihion. Nahunahuna mo man bala ini? [Tuguti nga makasabat.] Ini nga magasin nagausisa sang isa ka dumaan nga parabola nga nagapaathag sini nga pamangkot.” Ipadaku ang Mateo 13:24-30.

Magmata! Sept. 8

“Ang moda may mabaskog nga epekto sa kabuhi sang madamo nga tawo karon. Ang iban nagabatyag nga ginahatagan sing daku gid nga importansia kon ano ang ginasuksok sang mga tawo kag kon ano ang ila hitsura. Ano sa banta mo? [Tuguti nga makasabat.] Ginapakita sang Magmata! ang isa ka timbang nga pagtamod sa moda.” Basaha ang Colosas 3:12.