Kon Ano ang Isiling Tuhoy sa mga Magasin

Ang Lalantawan Sept. 15

“Minilyon ka tawo ang nagapati nga ang ‘mga santos’ may pinasahi nga gahom kag maayo nga mangamuyo paagi sa ila. Ano sa banta mo? [Tuguti nga makasabat.] Talupangda ang ginsiling ni Jesucristo. [Basaha ang Juan 14:6.] Ini nagapalibog sa pila tuhoy sa pagpangamuyo paagi sa ‘mga santos.’ Ginapaathag sini nga isyu sang Ang Lalantawan ining importante nga topiko.”

Awake! Sept. 22

“Madamo karon ang nagakabalaka tuhoy sa terorismo, lakip ang paggamit sing biolohiko nga mga armas. Sa banta mo madula bala sang mga gobierno sang tawo ang terorismo sa kalibutan? [Tuguti nga makasabat.] Ginapakita sang Biblia kon ano ang ginabuko nga himuon sang Dios. [Basaha ang Ezequiel 34:28.] Ginausisa sining magasin nga Awake! ang pila ka isyu nga nadalahig.”

Ang Lalantawan Okt. 1

“Madamo ang nagapalibog kon bala may katapusan pa ining tanan nga problema nga makita naton sa palibot—mga inaway, krimen, kag makahaladlok nga mga buhat. Ano sa banta mo? [Tuguti nga makasabat.] Amo sini ang makapalig-on nga pasalig sang Biblia. [Basaha ang Salmo 37:10, 11.] Ginapaathag sini nga magasin kon ngaa wala pa ginpauntat sang Dios ang kalautan kag ang pag-antos nga resulta sini.”

Magmata! Okt. 8

“Talalupangdon ang pagdamo karon sang mga pamilya nga may nagasolo nga ginikanan. Ginapakita sang Biblia nga ang aton Manunuga naluoy sa ila. [Basaha ang Salmo 146:9.] Ginapakita sini nga isyu sang Magmata! kon paano ang mga prinsipio sa Biblia makabulig sa nagasolo nga mga ginikanan nga mapadaku sing madinalag-on ang ila kabataan.”