Kon Ano ang Isiling Tuhoy sa mga Magasin

Ang Lalantawan Sept. 15

“Sa karon madamo ang nagabatyag nga nakibon sila sa isa ka walay gugma nga pag-asawahay. Sa diin makapangayo sing bulig ang mga tawo nga yara sa sina nga kahimtangan? [Tuguti nga makasabat.] Ginapasalig kita sang Biblia nga makabulig sa aton ang mga prinsipio sang Dios. [Basaha ang Isaias 48:​17, 18.] Ini nga isyu sang Ang Lalantawan nagabinagbinag sang mga prinsipio sa Biblia nga makapabakod sa pag-asawahay.”

Awake! Sept. 22

“Nagakatingala kita sa ikasarang sang mga sapat sa pagkomunikar. Apang nahibaluan mo bala nga ang mga tawo pinasahi sa pila ka bahin? [Tuguti nga makasabat. Dayon basaha ang Salmo 65:2.] Indi kaangay sang mga sapat, luyag naton nga makakomunikar sa Dios. Ini nga magasin nagahinun-anon kon paano kita makakomunikar sing maayo sa mga tawo kag sa Dios.”

Ang Lalantawan Okt. 1

“Napamangkot mo na bala, ‘Kon ang Dios mahigugmaon kag labing gamhanan, ngaa wala sia nagapasilabot sa mga tawo nga nagaantos?’ [Tuguti nga makasabat.] Sa dili madugay dulaon niya ang tanan nga problema. [Basaha ang Isaias 65:17.] Apang sa karon, wala gid ginapasapayan sang Dios ang pag-antos naton, subong sang ginapakita sini nga magasin.”

Magmata! Okt. 8

“Nabatian mo bala nga madamo nga mga mangunguma ang nabudlayan nga magpadayon sa pagpanguma subong palangabuhian? [Tuguti nga makasabat.] Ini nga isyu sang Magmata! nagahinun-anon sini nga problema subong man sa saad sang Biblia tuhoy sa mas maayo nga mga tion sa palaabuton. [Basaha ang Salmo 72:16.] Sa pagbalik ko, luyag ko ipaathag kon paano ini himuon sang Dios.”