Kon Ano ang Isiling Tuhoy sa mga Magasin

Ang Lalantawan Okt. 15

“Paano mo ipaathag sa kabataan ukon sa iban kon ngaa tuman kadamo nga kalautan karon ang nagakatabo? [Tuguti nga makasabat.] Ginasabat sang Biblia ang pamangkot nga, ‘Sin-o ang sa Likod Sang Tanan nga Kalautan?’ [Basaha ang 1 Juan 5:19.] Ini nga isyu sang Ang Lalantawan makabulig sa imo nga mahangpan kon sin-o ining malauton kag kon paano naton sia masumpong.”

Magmata! Nob. 8

“Sa banta mo ayhan ang pangamuyo sang relihioso nga mga lider ukon ni bisan sin-o makapaluntad sing paghidait sa kalibutan? [Tuguti nga makasabat.] Ang Biblia nagasaad nga magaabot ang tion sang paghidait sa bug-os nga kalibutan. [Basaha ang Isaias 9:​6, 7.] Natalupangdan mo bala nga ang isa ka pinasahi nga manuggahom amo ang magapaluntad sing paghidait sa bug-os nga kalibutan? Ginapakita sini nga isyu sang Magmata! kon sin-o ining gumalahom kag kon paano niya paluntaron ang matuod nga paghidait.”

Ang Lalantawan Nob. 1

“Madamo sa aton ang nagatinguha nga mangin mahidaiton sa iban. Apang pat-od nga magaugyon ka nga mas mahapos lang ini ihambal sangsa himuon. [Tuguti nga makasabat.] Ginapaathag sang Biblia kon ngaa amo sini. [Basaha ang Santiago 3:⁠2.] Ginapakita sini nga artikulo kon paano ang pagpangayo sing pasaylo mahimo nga amo ang importante nga paagi agod mapasag-uli kag mahuptan ang paghidait.”

Awake! Nob. 8

“Ginapakita sang tagna sa Biblia nga magaabot ang isa ka tion nga wala na sing magasiling, ‘Nagamasakit ako.’ [Basaha ang Isaias 33:24.] Indi bala mangin makalilipay ini? [Tuguti nga makasabat.] Apang, ang katawhan karon ginasalakay sang madamo nga balatian, lakip ang salot sang AIDS. Ginasabat sini nga isyu sang Awake! ang pamangkot nga, Madula pa bala ang AIDS?”