Kon Ano ang Isiling Tuhoy sa mga Magasin

Ang Lalantawan Okt. 15

“Madamo nga tawo ang nagahunahuna nga wala gid sing kasiguruhan ang palaabuton amo nga mas maayo pa nga panginpuslan na lang naton kon ano ang matigayon naton karon. Ano sa banta mo? [Tuguti sia sa pagsabat.] Makapainteres ining komento ni Jesus. [Basaha ang Mateo 6:34.] Ginapaathag sining magasin kon paano kita makaplano para sa palaabuton samtang ginalikawan naton nga magkabalaka sing tuman tuhoy sini.”

Magmata! Okt.

“Kita tanan namatyan na sing hinigugma. Sa banta mo ginalantaw bala nila kita karon sa langit? [Tuguti sia sa pagsabat.] Talupangda ang ginsiling ni Jesus sang napatay si Lazaro. [Basaha ang Juan 11:11.] Ginapaathag sining artikulo kon bala ang mga patay nagakabuhi sa iban nga mga duog ukon nagakatulog lang kag nagahulat nga banhawon.” Ipakita ang artikulo sa pahina 28.

Ang Lalantawan Nob. 1

“Sa banta mo mas maayo ayhan puy-an ang kalibutan kon ang mga tawo mangin mas mapainubuson? [Tuguti sia sa pagsabat.] Talupangda ang ginsiling ni Jesus tuhoy sa sining kinaiya. [Basaha ang Mateo 23:12.] Ginabinagbinag sining artikulo ang balor sang pagpalambo sing pagkamapainubuson, bisan pa sa sining kalibutan nga puno sing paindisanay.”

Magmata! Nob.

“Sang una, masami nagapangita sing panuytoy ang mga tawo sa Biblia. Apang karon, madamo ang nagasiling nga may mga pangduhaduha sila sa Biblia. Ano ang ginabatyag mo tuhoy sa sini? [Tuguti sia sa pagsabat. Nian basaha ang 2 Timoteo 3:16.] Ining pinasahi nga gua sang Magmata! nagahatag sing makapahulag nga pamatuod nga ang Biblia gin-inspirar gid sang Dios.”