Kon Ano ang Isiling Tuhoy sa mga Magasin

Ang Lalantawan Nob. 15

“Ang iban nagapalibog kon kinahanglan pa bala naton ang mga simbahan kag mga templo agod simbahon ang Dios. Ano sa banta mo? [Tuguti nga makasabat.] Talupangda kon ano ang ginasiling sang Biblia tuhoy sa sini. [Basaha ang Binuhatan 17:24.] Gani, ano ang katuyuan sang mga duog sang pagsimba? Ini nga magasin nagahatag sing Makasulatanhon nga sabat sa sini nga pamangkot.”

Awake! Nob. 22

“Sa banta mo madula ayhan sang siensia sa pila ka adlaw ang balatian? [Tuguti nga makasabat.] Ini nga isyu sang Awake! nagausisa sang mga pag-uswag nga nahimo sang siensia. Ginapakita man sini kon ngaa ang Manunuga lamang ang may gahom sa pagdula sang balatian kag kamatayon.” Basaha ang Salmo 146:​3-5, kag itanyag ang mga magasin.

Ang Lalantawan Dis. 1

“Ang halos tanan karon ginabudlayan sa pangabuhi. Amo man sini ang nagakatabo sa mga simbahan, kag labi pa sila ka pursigido sa pagpangabay agod makatipon sing pundo. Ginatublag ka bala sa sini? [Tuguti nga makasabat. Nian basaha ang 1 Tesalonica 2:9.] Ginabinagbinag sang Ang Lalantawan kon ano ang ginasiling sang Biblia tuhoy sa sini.”

Magmata! Dis. 8

“Bangod sang madamo nga pamahog sang mga terorista, madamo ang nagapalibog kon bala peligruso na ang pagsakay sa eroplano. Nabalaka ka man bala sa sini? [Tuguti nga makasabat.] Ginabaton sang Biblia nga wala sing isa nga hilway sa katalagman. [Basaha ang Manugwali 9:11.] Apang, ini nga isyu sang Magmata! nagabinagbinag kon paano ka mangin segurado kag komportable samtang nagasakay sa eroplano.”