Kon Ano ang Isiling Tuhoy sa mga Magasin

Ang Lalantawan Mar. 15

“Sa banta mo ayhan praktikal pa sa aton karon ang mga panudlo ni Jesus? [Tuguti nga makasabat.] Pat-od gid nga magaugyon ka sa sining sugo nga ginhatag ni Jesus antes sia mapatay. [Basaha ang Juan 15:12.] Nagtudlo man si Jesus sing iban pa nga importante nga mga leksion sadto nga adlaw. Ining isyu sang Ang Lalantawan nagapakita kon paano kita makabenepisyo sa sini.”

Awake! Mar. 22

“Natalupangdan mo bala nga madamo nga tawo karon ang nabudlayan sa pagtigayon sing bastante nga tulog? [Tuguti nga makasabat.] Mahimo nga ang kahuol kag kabalaka amo ang kabangdanan. [Basaha ang Manugwali 5:12.] Ginabinagbinag sini nga magasin ang pila ka kabangdanan sang insomia, kag nagahatag ini sing praktikal nga mga panugda kon paano naton mapauswag ang aton batasan sa pagtulog.”

Ang Lalantawan Abr. 1

“Ang ginapakita diri amo ang panihapon nga kinaandan nga ginatawag ang Katapusan nga Panihapon. [Ipakita ang panghapin sang magasin sa atubangan kag likod.] Nahibaluan mo bala nga amo lamang ini ang okasyon nga ginsugo nga saulugon sang mga Cristiano? [Tuguti nga makasabat. Nian basaha ang Lucas 22:19.] Ginapaathag sini nga magasin kon ngaa ini nga pagsaulog importante gid kag kon paano ini nagaapektar sa imo.”

Magmata! Abr. 8

“Indi bala makapasubo nga madamo nga kabuhi sang mga lamharon ang naguba bangod sang droga? [Tuguti nga makasabat.] Masami nga nagasugod ang problema kon makig-upod ang mga pamatan-on sa indi maayo nga kaupdanan. [Basaha ang 1 Corinto 15:33.] Ini nga isyu sang Magmata! nagabinagbinag kon ano ang nagaimpluwensia sa mga lamharon nga magsugod sa paggamit sing droga kag kon ano ang mahimo sang mga ginikanan agod amligan sila.”