Kon Ano ang Isiling Tuhoy sa mga Magasin

Ang Lalantawan Mar. 15

“Pirme ginahambalan sang mga tawo ang tuhoy sa pagkari ni Jesucristo. Sa banta mo isa bala ini ka hitabo nga dapat kalangkagan ukon kahadlukan? [Tuguti sia sa pagsabat.] Talupangda kon ano ginbatyag sang manunulat sang Biblia nga si Juan tuhoy sini. [Basaha ang Bugna 22:20.] Ginapaathag sining magasin kon ano ang himuon sang pagkari ni Cristo.”

Magmata! Mar.

“Madamo nga lider sa kalibutan ang daw tuman ka bugalon. Sa banta mo nakabulig ayhan ini nga kinaiya sa paghidait kag paghiusa sa kalibutan? [Tuguti sia sa pagsabat.] Amo sini ang ginasiling sang Biblia tuhoy sa bugal. [Basaha ang Hulubaton 16:18.] Ginapaathag sining artikulo ang mga kapuslanan sang pagkamapainubuson.” Ipakita ang artikulo sa pahina 20.

Ang Lalantawan Abr. 1

“Halos adlaw-adlaw kita nga nagaatubang sing madamo nga pamangkot tuhoy sa aton kapagros, pamilya, kag trabaho. Sa banta mo diin ayhan kita makasapo sing masaligan kag praktikal nga mga sabat? [Tuguti sia sa pagsabat.] Talupangda kon ano ang ginasiling sang 2 Timoteo 3:16. [Basaha.] Ginapakita sining magasin kon paano makabulig sa aton ang Biblia sa madamo kag praktikal nga paagi.”

Magmata! Abr.

“Sa madamo nga bahin sang kalibutan, nagabatyag ang mga tawo nga nagausmod ang moral nga mga talaksan. Natalupangdan mo man bala ini? [Tuguti sia sa pagsabat.] Ang mga kahimtangan nga makita naton karon katumanan sang isa ka tagna sa Biblia. [Basaha ang 2 Timoteo 3:2-4.] Ginapakita sining magasin kon ano ang buot silingon sang pag-usmod sang moralidad kag kon diin sini ginatuytuyan ang katawhan.”