Kon Ano ang Isiling Tuhoy sa mga Magasin

Ang Lalantawan Agos. 15

“Madamo sang ginapangayuan ukon ginakuhaan sang laygay ang mga tawo karon tuhoy sa pag-asawahay kag pagpadaku sa kabataan. Sa banta mo, diin ayhan masapwan ang labing maayo nga laygay? [Tuguti sia nga makasabat.] Ini nga isyu sang Ang Lalantawan nagahinun-anon sang pila ka maalamon nga laygay sa pagkabuhi sang pamilya nga ginhatag sang Manunuga sang tawo.” Basaha ang Salmo 32:8.

Magmata! Sept. 8

“Daw ano ka importante sa banta mo nga ang mga amay makig-angot sa ila kabataan? [Tuguti sia nga makasabat.] Ini nga isyu sang Magmata! nagahinun-anon sang nagadamo nga problema sang indi mapakig-angutan nga mga amay. Ginapaathag man sini kon ano ang positibo nga epekto sang mga amay sa ila kabataan.” Basaha ang Hulubaton 13:1.

Ang Lalantawan Sept. 1

“Luyag naton tanan nga magmalipayon. Sa banta mo, makahatag gid bala sing kalipay ang mga butang nga ginsambit diri? [Basaha ang Mateo 5:4a, 6a, 10a. Nian tuguti sia nga makasabat.] Ini nga magasin nagapaathag sang kahulugan sadtong mga pinamulong gikan sa bantog nga Sermon sa Bukid. Nagahinun-anon man ini kon ano pa ang nagapahalipay.”

Magmata! Sept. 8

“Ginabulubanta nga 1 sa 4 ka tawo ang nagaantos sing balatian sa hunahuna sa pila ka higayon sang ila kabuhi. Madamo sa aton ang nakakilala sing may amo sini nga balatian. [Buksi ang artikulo.] Ini nga artikulo nagatanyag sang mabuligon nga mga panugda sa kon ano ang aton himuon kon ang aton hinigugma yara sa amo nga kahimtangan.”