Kon Ano ang Isiling Tuhoy sa mga Magasin

Ang Lalantawan Abr. 15

“May mga tawo nga nagahunahuna nga ang tanan nga nagakatabo sa aton kabuhi lakip na ang mga trahedya, kabubut-on sang Dios. Wala ka bala nagapalibog sa sini? [Tuguti sia sa pagsabat.] Madamo nga tawo ang nakahibalo sining pangamuyo. [Basaha ang Mateo 6:​10b.] Ano bala ang kabubut-on sang Dios para sa duta, kag san-o ini matuman sing bug-os? Ginapaathag sa sining magasin ang sabat sang Biblia.”

Awake! Abr. 22

“Sa karon, may mga tawo nga nagabatyag sing pagkawalay paglaum. Amo man bala sina kon kaisa ang imo ginabatyag? [Tuguti sia sa pagsabat. Nian basaha ang Roma 15:4.] Madamo nga tawo ang nagapati nga importante gid ang paglaum. Malipay ka sa pagbinagbinag sang pito ka Makasulatanhon nga rason sang paglaum nga ginpresentar sa sining isyu sang Awake!”

Ang Lalantawan Mayo 1

“Bangod sa pagtinguha nga pauswagon ang katilingban sang tawo, ang pila ka relihiosong lider nag-entra sa politika. Apang, talupangda ang ginhimo ni Jesus sang luyag sia himuon nga hari sang mga tawo. [Basaha ang Juan 6:​15.] Nagkonsentrar si Jesus sa butang nga makahatag sing dayon nga kaayuhan sa iban. Ginabinagbinag ini sa sining magasin.”

Magmata! Mayo 8

“Mabudlay nga mga sitwasyon ang ginaatubang sang madamo nga tawo sa ulubrahan. Ang iban ginahingabot pa gani sang mga kaupod sa trabaho. Nakahibalo ka bala nga may ginalaygay ang Biblia nga makabulig sa aton nga malandas ini nga mga problema? [Tuguti sia sa pagsabat. Nian basaha ang Hulubaton 15:1.] Ining magasin nagahatag sing praktikal nga mga panugda kon paano mahuptan ang paghidait upod sa iban sa duog sang trabaho.”