Kon Ano ang Isiling Tuhoy sa mga Magasin

Ang Lalantawan Abr. 15

“Daw nangin kinaandan na lamang ang mapintas nga mga buhat. [Maghatag sing isa ka halimbawa sa inyo duog ukon gikan sa magasin.] Napaligban mo na bala kon ngaa nangin mapintas gid ang mga tawo? [Tuguti sia nga makasabat.] Gintagna sang Biblia ang pagsagsag sang kapintas. [Basaha ang 2 Timoteo 3:1-5.] Ginasabat sini nga magasin ang pamangkot nga, ‘Madula ayhan ang kapintas?’”

Magmata! Abr.

“Madamo nga tawo ang nagapangangkon nga mga Cristiano. Ano sa banta mo ang buot silingon sang mangin isa ka Cristiano? [Tuguti sia nga makasabat.] Talupangda kon ano ang ginsiling diri ni Jesus. [Basaha ang Juan 15:14.] Ginapakita sini nga artikulo nga kapin pa ang ginakinahanglan sa pag-angkon lamang nga isa ka Cristiano.” Ipakita ang artikulo sa pahina 26.

Ang Lalantawan Mayo 1

“Ang kamatayon sang isa ka bata magatuga sing madalom kag nagadugay nga kasakit sa mga ginikanan. Sa banta mo sa diin sila makasapo sing lugpay? [Tuguti sia nga makasabat. Nian basaha ang Roma 15:5.] Ginabinagbinag sini nga magasin ang pila ka paagi nga magaaman ang Dios sing lugpay sa mga nagalalaw.”

Magmata! Mayo

“Manggaranon ang pila ka tawo, samtang minilyon naman ang imol. Sa banta mo makita pa ayhan naton ang tion nga madula na ining indi pagkaalalangay? [Tuguti sia nga makasabat.] Talupangda kon paano ginatamod sang Dios ang mga imol. [Basaha ang Salmo 22:24.] Ginapaathag sini nga magasin ang paglaum sa Biblia para sa mga imol.”