Kon Ano ang Isiling Tuhoy sa mga Magasin

Ang Lalantawan Okt. 15

“Nagapati ang pila ka tawo nga kon mas madamo sila sing kuarta mas makaalayaw ang ila kabuhi. Sa banta mo matuod bala ini? [Tuguti sia nga makasabat.] Talupangda kon ano ang ginsulat sang isa ka tawo nga manggaranon katama. [Basaha ang Manugwali 5:⁠10.] Ini nga magasin nagahinun-anon sang mga talaksan nga labaw pa sa manggad.”

Magmata! Okt. 22

“Nakita sang madamo nga tawo ang importansia sang paghanas sa mga kabataan kutob sa pagkabata. Sa banta mo kinahanglan bala ini karon? [Tuguti sia nga makasabat. Dayon basaha ang Hulubaton 22:6.] Ini nga isyu sang Awake! nagahinun-anon sang espesipiko nga mga butang nga mahimo sang mga ginikanan sa pagbulig sa ila kabataan nga mangin matarong kag madinalag-on nga mga adulto.”

Ang Lalantawan Nob. 1

“Madamo nga tawo ang nadulaan sing kompiansa sa ikasarang sang tawhanon nga mga lider sa paglubad sang mga problema karon. Sa banta mo may isa ayhan nga makatuman sang gintagna sa sining mga bersikulo? [Basaha ang Salmo 72:​7, 12, 16. Dayon tuguti sia nga makasabat.] Ini nga magasin nagapaathag kon sin-o ining gintagna nga lider kag kon ano ang iya himuon.”

Magmata! Nob. 8

“Kinahanglan sang mga kabataan ang panuytoy agod malandas nila ang mga pag-ipit nga ila ginaatubang karon, indi bala? [Tuguti sia nga makasabat. Dayon basaha ang Efeso 6:4.] Ini nga magasin nagausisa sang matuod nga kahulugan sang disiplina. Nagahinun-anon man ini kon paano mahatag sang mga ginikanan ang panuytoy kag pagtadlong nga wala nagasaklaw sa ila mga kabataan.”