Repaso Para Sa Sirkito Nga Asambleya

Gamiton ini nga materyal sa programa sa Miting sa Serbisyo antes kag pagkatapos makatambong ang kongregasyon sa sirkito nga asambleya sa 2006. Maghimo sing kahimusan ang nagadumala nga manugtatap para sa sining paghanda kag pagrepaso, subong sang nabalay sa Disiembre 2004 nga Ang Aton Ministeryo sa Ginharian, pahina 4. Sa tion sang repaso, dapat binagbinagon ang tanan nga pamangkot, nga nagasentro sa kon paano maaplikar ang impormasyon nga ginpresentar.

UNA NGA ADLAW

1. Paano naton masuklob ang bag-ong personalidad, kag ngaa dapat naton huptan ini?

2. Paano ginpauswag sang iban ang ila pagpakigbahin sa pagbantala?

3. Ngaa dapat naton likawan nga ipaanggid ang aton kaugalingon sa iban?

4. Paano ang mga miembro sang pamilya makapakita sing bag-ong personalidad sa sulod sang pamilya?

5. Paano kita makapakita sing mainunungon nga pagsakdag sa kongregasyon?

6. Ngaa dapat naton ipakita ang bag-ong personalidad sa pagministeryo?

7. Ano ang nalakip sa nagakaigo nga pagpamalandong, kag paano kita makabenepisyo sa sina nga pagpamalandong?

8. Ano nga mga kinaiya ang nagapaposible nga madihon kita ni Jehova?

IKADUHA NGA ADLAW

9. Daw ano ka importante nga gamiton ang aton dila sing husto?

10. Ano ang mga kaayuhan sa paghambal sing maayo sa mga katrabaho, kabutho, kag sa iban?

11. Paano naton maaplikar ang laygay ni Pablo sa Efeso 4:25-32 sa aton pagpakig-angot sa masigkatumuluo?

12. Ano ang labing dungganon nga gamit sa aton dila?

13. Ano ang aton himuon agod madaug ang isa nga malauton?

14. Sa anong mga paagi dapat kita magpabilin nga wala sing dagta sa sining kalibutan?

15. Ngaa dapat naton bag-uhon ang aton pagkatawo adlaw-adlaw, kag paano naton ini mahimo?

16. Ano nga laygay gikan sa programa sa sining tuig nga sirkito nga asambleya ang ginaplano mo nga iaplikar?