Bag-o nga Programa sa Sirkito nga Asambleya

Sa katapusan nga mga adlaw sining garok kag daan nga kalibutan, importante gid nga huptan naton ang aton espirituwal nga panapton kag amligan ang aton Cristianong identidad. (Bug. 16:15) Busa, nagakaigo gid, nga ang tema sang programa sang aton sirkito nga asambleya sa 2006 amo ang “Magsul-ob Kamo Sing Bag-o nga Personalidad.”—⁠Col. 3:⁠10.

Una nga Adlaw: Ang una nga simposium amo, “Pagpakita Sang mga Aspekto Sang Bag-o nga Personalidad,” magapadaku kon paano kita makabenepisyo sa pagpalambo sing bag-o nga personalidad sa tanan nga bahin sang aton kabuhi. Paano naton mapalambo ang bag-o nga personalidad? Pagabinagbinagon ina sa ulihing duha ka pamulongpulong sa una nga adlaw nga, “Disiplinaha ang Imo Kaugalingon Agod Makapamalandong Sing Maayo” kag “Edukasyon nga Nagadihon Sang Bag-o nga Personalidad.”

Ikaduha nga Adlaw: Kon paano ang bag-o nga personalidad makaimpluwensia sa aton paggamit sang aton dila amo ang pagabinagbinagon sa ikaduha nga simposium nga, “Pagpalambo Sang Dila Sang mga Maalam.” “Ginadaug Mo Bala ang Isa nga Malaut?” amo ang tema sang pamulongpulong publiko, nga magapadaku sang pagkakinahanglanon nga magpabilin nga alisto sa mga taktika ni Satanas. Ang ulihing duha ka pamulongpulong sa asambleya nga, “Hupti ang Inyo Kaugalingon nga Indi Madagtaan Sang Kalibutan” kag “Pagbag-o Sang Aton Pagkatawo sa Adlaw-adlaw,” magabulig sa aton nga malikawan ang mga panimuot kag paggawi nga sumpakil sa matarong nga mga dalanon sang Dios kag magpabilin nga aktibo sa aton pagsimba kay Jehova.

Ginapaabot gid naton ang pag-aplikar sa sini nga pagpalig-on kag paghupot sang bag-o nga personalidad!