Mga Pahanumdom sa Memoryal

Saulugon ang Memoryal subong nga tuig sa Mierkoles, Abril 12. Dapat talupangdon sang mga gulang ang mga masunod:

◼ Sa pag-iskedyul sang tion sang programa, pat-ura nga indi mapasa ang mga emblema tubtob indi magtunod ang adlaw.

◼ Ang tanan, lakip ang humalambal, dapat pahibaluon sang eksakto nga tion kag duog nga hiwatan sang Memoryal.

◼ Dapat tigayunon kag ihanda ang nagakaigo nga tinapay kag alak.—⁠Tan-awa ang Pebrero 15, 2003, nga Ang Lalantawan, p. 14-15.

◼ Dapat abanse nga dal-on sa tilipunan kag ipahamtang sa nagakaigo nga duog ang mga plato, baso, kag lamesa kag hapin sini.

◼ Ang Kingdom Hall ukon ang iban pa nga duog tilipunan dapat abanse nga tinluan sing maayo.

◼ Ang mga attendant kag mga manugserbe dapat pilion sing abanse kag tudluan sang ila mga responsibilidad, sang nagakaigo nga pamaagi, kag sang kinahanglanon nga mangin talahuron ang panapot kag pamustura.

◼ Dapat may mga kahimusan sa pagserbe sa bisan sin-o nga hinaplas nga may sablag sa lawas ukon indi makatambong.

◼ Kon indi lang isa ka kongregasyon ang magagamit sang Kingdom Hall, dapat may maayo nga koordinasyon sa mga kongregasyon agod indi magginutok sa alagyan ukon sa puertahan, sa kalye, kag sa palarkingan.