Kon Ano ang Isiling Tuhoy sa mga Magasin

Ang Lalantawan Hul. 15

“Nagakasubo gid kita kon mapatyan kita sing mga hinigugma. Sa banta mo, nagapadayon pa bala sila sa pagkabuhi sa iban nga duog? [Tuguti sia nga makasabat.] Ginhatag ni Jesus ining makapalig-on nga saad. [Basaha ang Juan 5:28, 29.] Sanglit nagsiling si Jesus nga ‘magaabot’ ang pagkabanhaw, ginapaathag sini nga magasin ang ginasiling sang Biblia kon sa diin na karon ang mga patay.”

Magmata! Hul.

“Ginahimo sang madamo nga tawo ang ila bug-os nga masarangan sa ila pagkabuhi kag nagapati sila nga importante nga mangin isa ka maayo nga tawo. Amo man bala sini ang imo prinsipio sa kabuhi? [Tuguti sia nga makasabat.] Ano abi kon ang ginakabig naton nga isa ka maayo nga tawo indi gali maayo sa pagtamod sang Dios? [Basaha ang Hulubaton 14:12.] Ginapaathag sini nga artikulo kon ano ang buot silingon sang mangin isa ka maayo nga tawo sa panulok sang Dios.” Ipakita ang artikulo sa pahina 20.

Ang Lalantawan Agos. 1

“Ano ang imo opinyon tuhoy sa sining ginsiling ni Jesus? [Basaha ang Mateo 5:3.] Sa banta mo, importante bala ang ihibalo sa Dios agod magmalipayon? [Tuguti sia nga makasabat.] Ginapakita sini nga magasin kon ano ang ginasiling sang Biblia tuhoy sa matuod nga ihibalo sang Dios kag kon paano ini matigayon.”

Magmata! Agos.

“Sa banta mo, sa diin ayhan makasapo sing laygay ang mga ginikanan nga makabulig gid sa ila? [Tuguti sia nga makasabat.] Talupangda ini nga saad sa Biblia. [Basaha ang 2 Timoteo 3:16.] Ginapakita sini nga magasin nga epektibo gihapon ang Biblia sa pagbulig sa mga ginikanan sa pagpadaku sang malipayon nga kabataan.”