Kon Ano ang Isiling Tuhoy sa mga Magasin

Ang Lalantawan Hul. 15

“Sa tion sang linibo ka tuig nga maragtas sang tawo, nakahimo ang mga tawo sang madamo gid nga pagtuluuhan. Sa banta mo, posible bala nga mahibaluan kon diin ang husto kag kon diin ang sayop? [Tuguti sia nga makasabat.] Ini nga magasin nagabinagbinag kon sa diin mo masapwan ang husto nga mga panudlo nga nagapahamuot sa Dios.” Basaha ang 2 Timoteo 3:16.

Awake! Hul. 22

“Makasulubo gid nga makita ang mga nagaantos bangod sang natural nga mga kalamidad. [Maghinambit sang isa ka halimbawa sa inyo duog.] Sa banta mo ina bala nga mga kalamidad madugangan pa gid? [Tuguti sia nga makasabat.] Ini nga magasin nagausisa sina nga pamangkot. Nagalugpay man ini sa mga namatyan sing hinigugma sa sina nga mga trahedya.” Basaha ang Juan 5:28, 29.

Ang Lalantawan Agos. 1

“Madamo nga tawo sa karon ang nagabatyag nga wala sila sing kabilinggan. Ano sa banta mo ang puede himuon agod mabuligan sila? [Tuguti sia nga makasabat.] Ini nga magasin nagabinagbinag kon paano ang Biblia makabulig sa sina nga mga tawo sa pagsapo sing matuod nga kalipay.” Ipatalupangod ang madukot nga nagahilay nga mga teksto sa artikulo nga “Ang Biblia Makabulig sa Imo nga Makasapo Sing Kalipay.”

Magmata! Agos. 8

“Madamo nga tawo ang nagakabuhi sa kahadlok. Ano sa banta mo ang kabangdanan sini? [Tuguti sia nga makasabat.] Ini nga magasin nagatanyag sing praktikal nga mga panugda sa pag-amlig sang aton kaugalingon gikan sa kinaandan nga mga katalagman. Ginabinagbinag man sini ang saad sang Biblia nga isa ka kalibutan nga wala na sing dapat kahadlukan.” Basaha ang Isaias 11:9.