Pamangkot

◼ Mahimo bala ireport sang amay kag iloy ang oras nga ginahinguyang nila nga duha sa regular nga pangpamilya nga pagtuon?

Bisan pa ang amay amo ang may panguna nga salabton sa pagpadaku sa ila kabataan “sa disiplina kag nagatuytoy nga panghunahuna ni Jehova,” ang iloy may bahin man sa paghanas sa ila kabataan. (Efe. 6:4) Ang Biblia nagalaygay sa mga kabataan: “Anak ko, pamatii ang pagtudlo sang imo amay, kag indi pagbayai ang kasogoan sang imo iloy.” (Hulu. 1:8) Ang isa sa importante nga aspekto sang paghanas sang mga ginikanan sa ila kabataan amo ang pangpamilya nga pagtuon.

Sang una, ang nagadumala lamang sa pangpamilya nga pagtuon sa di-bawtismado nga kabataan ang makaisip sang oras, bisan pa nagabuligay sa pagtudlo ang amay kag iloy. Apang, ginbag-o na ini. Kon ang amay kag iloy nagabuligay sa pagtudlo sa ila kabataan, sila nga duha mahimo magreport sini sing indi magsobra sa isa ka oras nga pag-alagad sa latagon kada semana. Siempre, kapin pa sa isa ka oras ang ginahinguyang sang mga ginikanan sa pagtudlo sa ila kabataan kada semana. Kag ang paghanas sa kabataan nagadalahig sing dalayon nga panikasog sang amay kag iloy. (Deut. 6:6-9) Apang, ang bulanan nga report sa pag-alagad sa latagon panguna nga nagapakita sang hinimuan sa latagon. Busa, bisan pa ang pagtuon nagalawig sing kapin sa isa ka oras, ginahimo sing kapin sa isa ka bes, ukon ang kada kabataan ginadumalahan sing separar nga pagtuon, indi dapat magsobra sa isa ka oras ang ireport kada semana. Isa lang ka ginikanan ang magreport sang pangpamilya nga pagtuon subong isa ka pagtuon sa Biblia kag tubtob isa lamang ka pagduaw liwat sa kada semana.