Ano ang Ginharian sang Dios?

Isa ka lalaki nga nagabasa sang Biblia samtang nagapungko sa atubangan sang isa ka bilding sang gobierno.

Madamo nga tawo ang nagapangamuyo nga magkari ang Ginharian sang Dios, pero napamensaran mo na bala kon ano ang Ginharian sang Dios kag kon ano ang himuon sini?

ANG GINASILING SANG BIBLIA:

Ano ang Ginharian sang Dios?

Isa ini ka langitnon nga gobierno nga ginagamhan ni Jesucristo bilang Hari.—Isaias 9:6, 7; Mateo 5:3; Lucas 1:31-33.
Ano ang himuon sang Ginharian sang Dios?

Tapuson sini ang tanan nga kalainan kag magaresulta ini sa wala sing katapusan nga paghidait sa mga tawo sa duta.—Daniel 2:44; Mateo 6:10.
Ano ang buot silingon nga unahon ang pagpangita sa Ginharian?

Dapat naton suportahan ang Ginharian sang Dios kag magsalig nga amo lang ini ang paagi para matuman ang gusto sang Dios nga matabo sa duta.—Mateo 6:33; 13:44.