Kon ano ang Isiling Tuhoy sa mga Magasin

Ang Lalantawan Mayo 1

Basaha ang Mateo 24:3. Dayon magsiling: “Nagabatyag ang pila ka tawo nga ini nga pamangkot nagapatuhoy sa katapusan sang kalibutan. Nagahunahuna ka bala nga maguba ang kalibutan? [Tuguti sia sa pagsabat.] Ang sabat ni Jesus wala nagapatuhoy sa katapusan sang kalibutan, kundi sang katapusan sang tuhay nga butang. Ang artikulo sa pahina 16 nagapaathag sing dugang parte sa sini.”

Magmata! Mayo

“Ang pila ka ministro nagawali nga kon pahamut-an naton ang Dios, hatagan niya kita sing materyal nga manggad. Pero, mahimo nga may kilala ka nga maayo nga mga tawo nga imol. Sa banta mo, gusto bala sang Dios nga magmanggaranon kita? [Tuguti sia sa pagsabat. Dayon basaha ang Hebreo 13:5.] Ginapaathag sini nga artikulo kon ano nga mga pagpakamaayo ang ginahatag sang Dios.” Ipakita ang artikulo nga nagaumpisa sa pahina 12.

Ang Lalantawan Hunyo 1

“Sa karon madamo ang nagahatag sing laygay tuhoy sa pagpadaku sang bata, paghigugma, kag paglab-ot sa handum sang isa. Nakabulig man bala ina sa imo? [Tuguti sia sa pagsabat.] Madamo ang wala nagatalupangod sa laygay sining masaligan nga libro. [Basaha ang 2 Timoteo 3:16.] Ginapaathag sini nga magasin kon ngaa masaligan naton ang Biblia kag nagahatag ini sang mga halimbawa sang pila ka mapuslanon nga mga laygay sini.”

Magmata! Hunyo

“Sa karon, kontrobersial gid kon bala husto ukon sala ang aborsion. Sa banta mo makabulig bala ang Biblia sa isa ka tawo sa pagdesisyon kon ano ang dapat himuon? [Tuguti sia sa pagsabat. Dayon basaha ang 2 Timoteo 3:16, 17.] Ginapakita sini nga magasin kon ano ang ginasiling sang Biblia parte sa sini.”