Kon Ano ang Isiling Tuhoy sa mga Magasin

Ang Lalantawan Hunyo 1

“Madamo ang nagapati nga ang lainlain nga relihion sa kalibutan nagapadulong gihapon sa isa ka Dios. Ano sa banta mo? [Tuguti sia sa pagsabat.] Talupangda kon ano ang ginasiling sang Biblia. [Basaha ang Josue 24:15.] Ini nga artikulo makabulig sa imo nga usisaon kon bala ang imo relihion nagapadulong sa matuod nga Dios.” Ipakita ang artikulo nga nagaumpisa sa pahina 12.

Magmata! Hunyo

“Tanan kita may kilala nga napatay na. Dapat bala kita mahadlok sa ila kay basi maakig sila kag halitan kita? [Tuguti sia sa pagsabat. Dayon basaha ang Manugwali 9:5, 6.] Ini nga artikulo makahatag gid sa imo sing paumpaw.” Ipakita ang artikulo nga nagaumpisa sa pahina 22.

Ang Lalantawan Hulyo 1

“Madamo nga may Biblia ang nabudlayan sa paghangop sini. Ikaw man bala? [Tuguti sia sa pagsabat. Dayon basaha ang Salmo 119:130.] Suno sa sini nga bersikulo, luyag sang Awtor sang Biblia nga mahangpan naton ang iya Pulong kag matigayon ang mga benepisyo sini. Ini nga magasin nagahatag sa aton sing tatlo ka panugda nga makabulig sa aton nga mahangpan ang Biblia.”

Magmata! Hulyo

“Ang depresyon nagaapektar sa madamo nga tawo karon. Sa banta mo nagaulikid bala ang Dios sa mga nagaantos sa emosyon? [Tuguti sia sa pagsabat. Dayon basaha ang Salmo 34:18.] Ginapaathag sini nga magasin kon paano yadtong nagaantos sang depresyon makabaton sang bulig gikan sa Dios bisan pa nagakinahanglan sila sing medikal nga pagbulong. Nagahatag man ini sing panugda kon ano ang aton isiling agod lugpayan sila.”