Kon Ano ang Isiling Tuhoy sa mga Magasin

Ang Lalantawan Oktubre 1

“Madamo nga tawo sa karon ang wala nagatuo sa Manunuga. Ano sa banta mo ang rason? [Tuguti sia sa pagsabat.] Ini nga teksto nagahatag sa aton sing rason. [Basaha ang Habacuc 1:2, 3.] Ginabuligan kita sini nga artikulo nga mahibaluan ang sabat sa mga pamangkot kon ngaa nadulaan sing pagtuo sa Dios ang mga tawo.” Ipakita ang artikulo sa pahina 11.

Magmata! Oktubre

“Nagaugyon ka bala nga ang mga pamilya sa karon nagaatubang sing madamo nga kabudlayan? [Tuguti sia sa pagsabat.] Madamo ang wala makahibalo sang praktikal nga laygay nga masapwan sa Biblia. Ari ang isa ka halimbawa. [Basaha ang isa ka teksto nga makita sa magasin.] Ining pinasahi nga gua sang Magmata! nagapakita kon paano ang mga prinsipio sa Biblia makabulig nga magmadinalag-on ang pamilya sa pag-atubang sa nanuhaytuhay nga mga kahimtangan.”

Ang Lalantawan Nobiembre 1

“Sa banta mo ang tanan nga ginatudlo sa simbahan halin sa Biblia? [Tuguti sia sa pagsabat.] Ang Biblia nagapaandam sa aton nga maghalong nga indi kita madaya sang butig nga mga panudlo. [Basaha ang Colosas 2:8.] Ini nga magasin nagabuyagyag sang anom ka panudlo nga nagasumpakil sa Biblia.”

Magmata! Nobiembre

“Nangin normal na nga bahin sang kabuhi sang tawo ang mga cell phone kag kompyuter. Sa banta mo ang paggamit sini makauyang sang aton tion? [Tuguti sia sa pagsabat.] Madamo ang nagaugyon nga dapat naton gamiton sing maalamon ang aton tion. [Basaha ang Efeso 5:15, 16.] Ginapaathag sini nga magasin kon paano naton gamiton ang teknolohiya sa balanse kag nagakaigo nga paagi.”