Kon Ano ang Isiling Tuhoy sa mga Magasin

Ang Lalantawan Mayo 1

“Ano ayhan ang matabo sa kalibutan kon ang tanan magsunod sa sining ginsiling ni Jesus? [Basaha ang Mateo 7:12. Nian tuguti sia sa pagsabat.] Ginabinagbinag sini nga artikulo ang pila sa mga panudlo ni Jesus para ipakita kon ano ang nadalahig sa pagka-Cristiano.” Ipakita ang artikulo sa pahina 16.

Magmata! Mayo

“Sa banta mo, mag-ayuhan pa ayhan sa indi madugay ang aton ekonomiya? [Tuguti sia sa pagsabat.] Madamo ang wala nakahibalo kon paano makabulig sa aton ang Biblia sa tion sang kapigaduhon. [Basaha ang teksto nga yara sa artikulo.] Ginapakita sini nga artikulo kon paano makabulig sa aton ang laygay sang Biblia sa tion sang kapigaduhon.” Ipakita ang artikulo sa pahina 18.

Ang Lalantawan Hunyo 1

“Indi kaangay sang nagligad nga mga tuig, madamo nga simbahan subong ang wala na nagasermon parte sa sala. Nagapati ka bala nga dinumaan na ang ideya parte sa sala, ukon dapat naton ini talupangdon? [Tuguti sia sa pagsabat. Nian basaha ang Roma 5:12.] Ginapakita sini nga magasin ang ginasiling sang Biblia parte sa sala.”

Magmata! Hunyo

“Daw nagagrabe na gid ang stress sa kabuhi subong. Ugyon ka bala sini? [Tuguti sia sa pagsabat.] Madamo ang nagapati nga amo ini ang rason sang grabe nga stress subong. [Basaha ang 2 Timoteo 3:1.] Ginabinagbinag sini nga magasin kon ano ang epekto sang stress sa aton. Ginahatagan man kita sing mga pamaagi para makontrol ini.”