Kon Ano ang Isiling Tuhoy sa mga Magasin

Ang Lalantawan Abril 1

“Mabasa sa iban nga sinulatan nga si Jesus kuno wala napatay subong sang ginasiling sang Biblia kundi nangasawa sia kag nakatigayon sing kabataan. Nakabati ka man sina? [Tuguti sia sa pagsabat.] Importante gid nga mahibaluan naton ang kamatuoran. [Basaha ang Juan 17:3.] Ini nga artikulo nagahatag sing mga rason nga saligan ang ginasiling sang Biblia parte kay Jesus.” Ipakita ang artikulo sa pahina 26.

Magmata! Abril

Basaha ang Salmo 37:9-11. Nian mamangkot: “Ano sa banta mo ang matabo sa kalibutan kon matuman ini? [Tuguti sia sa pagsabat.] Ginapatuhuyan sini nga artikulo ining makapalig-on nga tagna kag ginapaathag sini kon ngaa lapnag ang kalautan sa kalibutan subong.” Ipakita ang artikulo sa pahina 20.

Ang Lalantawan Mayo 1

“Napaligban mo na bala kon ngaa gintugutan sang Dios ang pag-antos? [Tuguti sia sa pagsabat.] Talupangda kon paano ginpabutyag sang isa ka manunulat sang Biblia ang pamangkot nga pirme ginapautwas sang mga tawo. [Basaha ang Salmo 10:1.] Ginabinagbinag sini nga magasin ang ginasiling sang Biblia kon ngaa gintugutan sang Dios ang pag-antos kag kon ano ang iya ginahimo agod mapahaganhagan ini.”

Magmata! Mayo

“Madamo ang gusto mag-untat sa pagpanigarilyo pero nabudlayan sila nga himuon ini. May kilala ka bala nga luyag mag-untat sa pagpanigarilyo? [Tuguti sia sa pagsabat.] Nasapwan sang iban nga makabulig ang pagpangabay sing suporta sa mga abyan kag pamilya. [Basaha ang Manugwali 4:12a.] Ginapakita sini nga magasin ang pila ka praktikal nga panugda agod buligan ang isa sa pag-untat sa pagpanigarilyo.”