Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Hunyo

“Tanan kita napatyan na sing pamilya ukon abyan. Nagalaum ka bala nga makita mo pa sila liwat? [Tuguti sia nga magsabat.] Talupangda ining makapaumpaw nga impormasyon.” Basaha kag binagbinaga ang una nga parapo sa idalom sang una nga subtitulo sa pahina 16 sang Hunyo 1 nga gua sang Lalantawan kag ang isa sa ginsambit nga mga teksto. Itanyag ang magasin kag maghimo sing kahimusan nga magbalik para binagbinagon ang sabat sa masunod nga pamangkot.

Ang Lalantawan Hunyo 1

“Madamo sa aton ang nagahimakas para mabuhi, kag ang iban haluson gani makakaon sing tatlo ka beses sa isa ka adlaw. Sa banta mo maabot pa ayhan ang tion nga wala na sing imol? [Tuguti sia nga magsabat. Dayon basaha Salmo 9:18.] Ginasugid sini nga magasin ang ginhalinan sang kaimulon kag ang ginasiling sang Biblia nga matuod nga solusyon.”

Magmata! Hunyo

“Ang terorismo nangin problema na sa bug-os nga kalibutan. Ano sa banta mo ang ginhalinan sini? [Tuguti sia nga magsabat.] Ining mga pinamulong sa Biblia nagahatag sa aton sing paglaum. [Basaha ang Salmo 72:7, 14.] Ginapaathag sini nga magasin ang pila ka kabangdanan sang terorismo kag ang ginasiling sang Biblia parte sa kon paano kag san-o ini dulaon.”