Isa Ka Paagi nga Magamit ang Mensahe Sang Biblia nga Brosyur

Madamo sa aton teritoryo ang indi pamilyar sa Biblia, ilabi na ang mga indi Cristiano nga relihion. Kon ginatun-an sila sa libro nga Ginatudlo sang Biblia, nagagamit ang pila ka manugbantala sang Mensahe sang Biblia nga brosyur agod mahatagan ang ila estudyante sing ideya parte sa Biblia. Halimbawa, gingamit sang isa ka utod ang seksion 1 sang brosyur sang ginabinagbinag niya ang kapitulo 3 sang Ginatudlo sang Biblia. Sugod sadto, ginabinagbinag na niya ang isa ka seksion sang brosyur kada matapos ang ila pagtuon. May ginatun-an ka bala nga diutay lang ukon wala gid sing nahibaluan parte sa Biblia? Agod mabuligan sia nga matun-an ‘ang balaan nga mga sinulatan, nga makapaalam sa iya para sa kaluwasan,’ mahimo mo idugang ang mga impormasyon sa Mensahe sang Biblia nga brosyur sa inyo pagtuon sa Ginatudlo sang Biblia.—2 Tim. 3:15.