Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Disiembre

“Ang kada isa nagakinahanglan gid sang mga abyan, indi bala? Pero ano nga kinaiya sang isa ka abyan ang nanamian mo gid? [Tuguti sia nga magsabat.] Ini nga magasin nagapaathag kon ngaa dapat naton pilion sing maayo ang aton mga abyan.” Ihatag sa tagbalay ang kopya sang Disiembre 1 nga Ang Lalantawan, dayon basaha kag binagbinaga ninyo ang materyal sa una nga subtitulo sa pahina 16. Basaha ang bisan isa lang sa mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Disiembre 1

“Sa banta mo, ngaa sunodsunod ang mga kalamidad sining karon lang? [Tuguti sia nga magsabat.] Ang Biblia nagtagna sang isa ka tion nga may palatandaan sang mga kalamidad. [Basaha ang Mateo 24:7, 8.] Ini nga magasin nagasabat sini nga mga pamangkot: Ngaa madamo na gid sing kalamidad subong? Silot bala ini sang Dios? Ano ang mga rason kon ngaa makasalig kita nga dulaon sang Dios ang tanan nga kalamidad sa indi madugay?”

Magmata! Disiembre

Basaha ang 2 Timoteo 3:16. Nian magsiling: “Ang iban nagaugyon nga gin-inspirar sang Dios ang Biblia, pero ang iban wala. Ano sa banta mo? [Tuguti sia nga magsabat.] Bisan pa may lainlain nga opinyon sa sina nga pamangkot, halos tanan nagaugyon nga wala na sang iban pa nga libro ang gintinguhaan gid nga dulaon. Ginasaysay sini nga magasin ang mga paninguha sa pagdula sa Biblia kag pagdumili nga basahon ini sa sulod sang mga siglo. Ginapaathag man sini kon paano ini nakalampuwas.”