Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Disiembre

“Basta Disiembre na gani, si Jesus gid ang masami nga ginahunahuna sang mga tawo. Sa banta mo, ano ang pinakamaayo nga nahimo niya? [Tuguti sia nga magsabat.] Talupangda bala ang tig-ulo sining artikulo sa pahina 16.” Ihatag sa tagbalay ang kopya sang Disiembre 1 nga Ang Lalantawan, kag binagbinaga ninyo ang isa sa mga subtitulo kag teksto nga ginsambit. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Disiembre 1

“Basta lapit na lang gani ang Disiembre, Krismas gid ang masami nga ara sa pensar sang mga tawo. Sa banta mo, diin sa sini nga mga rason sa pagsaulog sang Krismas ang pinakaimportante? [Ipakita ang listahan sa pahina 3 kag tuguti sia nga magsabat. Nian ipakita ang masunod nga artikulo kag basaha ang tema nga teksto.] Ginapakita sini nga magasin ang praktikal nga mga paagi sa pagdumdom kay Jesus sa bilog nga tuig, indi lamang sa panahon sang Krismas.”

Magmata! Disiembre

“Nagabisita kami bangod madamo ang gina-stress kag ginabudlayan. Sa banta mo, amo ayhan ini ang rason kon ngaa madali na lang karon maubusan sing pasensia ang mga tawo? [Tuguti sia nga magsabat.] Ang iban nagapati nga nagakabuhi na kita sa mabudlay nga mga tion pareho sang ginasiling diri sa 2 Timoteo 3:1. [Basaha.] Ginapaathag sini nga magasin kon ngaa makatalagam ang pagkadula sing pasensia kag nagahatag man ini sing mga panugda kon paano mangin mapinasensiahon.”