Mauntat Ka Na Bala Dayon?

Kon nagapanaksi, ang iban nga manugbantala kinaandan na nga nagauntat sa ila natalana nga tion, ayhan kon udto. Siempre, ang iban kinahanglan gid man mag-untat dayon bangod sa ila kahimtangan. Pero nagauntat ka bala bangod nag-untat na ang iban ukon kinaandan na sa inyo lugar nga mag-untat sa espesipiko nga tion? Madugangan mo bala sing pila pa ka minutos ang imo pagministeryo kag makigbahin sa pangpubliko nga pagpanaksi, subong sang pagpanaksi sa dalan? Makahimo ka bala sing isa ukon duha ka pagduaw liwat antes magpauli? Hunahunaa bala kon daw ano ka makalilipay nga makakita ka sing bisan isa lang ka interesado ukon makapahamtang sing isa ka pares sang magasin sa nagalabay! Kon indi kita dayon mag-untat kag maghinguyang sing pila pa ka minutos, madugangan ang aton “halad sang pagdayaw.”​—⁠Heb. 13:⁠15.