Sampol nga mga Presentasyon

Diin Makita ang Sabat sa Importante nga mga Pamangkot sa Kabuhi?

Ihatag ang tract sa tagbalay agod makita niya ang tig-ulo kag mahimo ka magsiling: “Kamusta ka? Nagapakigbahin kami sa pagpanagtag sa bug-os kalibutan sining importante nga mensahe. Ari ang imo kopya.”

Kon ibilin mo ang tract sa balay nga wala sing tawo, ibutang ini sa duog nga indi makita sang iban kag indi ini paglukuta.

Kon interesado ang tagbalay ukon gusto makig-istorya, pamangkuta sia kon ano ang iya opinyon sa pamangkot sa atubang. Buksi ang tract, kag ipakita sa iya ang ginasiling sang Salmo 119:144, 160. Ipaathag nga ang tract nagaunod sing mga impormasyon tuhoy sa isa ka Web site nga makabulig sa iya nga makita ang makalilipay nga mga sabat sang Biblia. Mahimo nga ipakita mo sa iya ang video nga Ngaa Dapat Tun-an ang Biblia? Antes ka maghalin, ipatalupangod sa iya ang tatlo ka pamangkot sa likod sang tract kag pamangkuta sia kon diin sa sini ang iya ginapaligban. Hambala sia nga mahimo ka magbalik agod ipakita sa iya ang sabat sang Biblia sa sina nga pamangkot paagi sa jw.org/hil. Sa imo pagbalik, binagbinaga ang sabat paagi sa pag-klik sang PANUDLO SANG BIBLIA > SABAT SA MGA PAMANGKOT SA BIBLIA.

Ang Lalantawan Agosto 1

Sa Sabado kag Domingo, kon nagakaigo, mahimo mo ini isiling para itanyag ang Lalantawan: “Gusto man namon itanyag sa imo ang amon pinakabag-o nga mga magasin. Ini nga Lalantawan nagasabat sa pamangkot nga, Interesado bala ang Dios sa imo?”

Magmata Agosto

Sa Sabado kag Domingo, kon nagakaigo, mahimo mo ini isiling para itanyag ang Magmata!: “Gusto man namon itanyag sa imo ang amon pinakabag-o nga mga magasin. Ini nga Magmata! nagasabat sa pamangkot nga, Paano makapakighidait ang mga tawo?”