Sampol nga mga Presentasyon

Ang Lalantawan Abril 1

“Nagapanagtag kami sini nga tract. [Ihatag sa tagbalay ang tract nga Ano ang Biblia Para sa Imo? kag ipamangkot sa iya ang mga pamangkot sa atubang. Ipakita sa iya ang sabat sang Biblia sa 2 Timoteo 3:16, kag palig-una sia nga basahon ang tract.] Madamo nga tawo ang wala makahibalo nga makita sa Biblia ang mga sabat sa sini nga mga pamangkot. [Ipakita ang mga pamangkot sa una nga artikulo sang Lalantawan.] Ginapaathag sini nga magasin kon paano mo makita ang mga sabat sa imo mismo Biblia.”

Magmata! Abril

“Nagaduaw kami sing makadali bangod madamo nga tawo ang nabalaka sa mga pagbag-o sa pamilya. Sang una, ang mga ginikanan ang matuman, pero subong daw mga kabataan na. Sa banta mo, ang mga ginikanan subong nagadisiplina sa ila kabataan sing nagakaigo? [Tuguti sia nga magsabat.] Suno sa Biblia, importante ang disiplina. [Basaha ang Hulubaton 29:17.] Ginabinagbinag sini nga magasin ang praktikal nga mga giya sang Biblia sa pagdisiplina sa mga kabataan.”