“These Words . . . Must Be on Your Heart”

Ang mga ginikanan daw pareho sa mga manugbantay. Dapat nila atipanon sing maayo ang ila kabataan, nga mahimo magtalang kag madali salakayon. (Hulu. 27:23) Paano ini mahimo sang mga ginikanan? Dapat may tion sila kada adlaw nga maistorya ang ila kabataan agod mahibaluan kon ano ang yara sa ila tagipusuon kag hunahuna. (Hulu. 20:5) Dapat man pabakuron sang mga ginikanan ang pagtuo sang ila kabataan nga ginagamit ang mga materyales nga indi masunog sang kalayo. (1 Cor. 3:10-15) Ginapadaku sang video nga “These Words . . . Must Be on Your Heart,” ang importansia sang regular nga pangpamilya nga pagsimba. Tan-awa ninyo ini sing tingob bilang pamilya, kag binagbinaga ninyo ang masunod nga mga pamangkot.

(1) Ano ang rason kon ngaa indi makapokus sa espirituwal ang pamilya Roman? (2) Ngaa wala nagmadinalag-on ang una nga ginhimo ni Brother Roman para makasugod sang pangpamilya nga pagsimba? (3) Ano ang ginasiling sang Kasulatan nga pinakamaayo nga himuon para magmadinalag-on sa pagpadaku sing kabataan? (Deut. 6:6, 7) (4) Ano ang makabulig agod mas mangin maayo ang komunikasyon sa pamilya? (5) Ano nga mga sakripisyo ang dapat himuon sang mga ginikanan para sa ila kabataan? (6) Paano nangin maayo nga impluwensia sanday Brother kag Sister Barrow sa pamilya Roman? (Hulu. 27:17) (7) Paano mahandaan sing abanse sang ulo sang pamilya ang pangpamilya nga pagsimba agod magmadinalag-on ini? (8) Ano ang ginhimo ni Brother Roman agod magbag-o ang kahimtangan? (9) Ngaa importante nga regular ang pangpamilya nga pagsimba? (Efe. 6:4) (10) Ano ang pila ka praktikal nga mga ideya para sa pangpamilya nga pagsimba? (11) Paano ang pagkakalmado apang malig-on nga paagi ni Brother Roman nakabulig kay Marcus nga maapresyar ang importansia sang paghimo sing husto? (Jer. 17:9) (12) Paano nangatarungan si Brother kag Sister Roman kay Rebecca agod mabuligan sia nga makahimo sing husto nga desisyon may kaangtanan sa iya relasyon kay Justin? (Mar. 12:30; 2 Tim. 2:22) (13) Paano ginpakita nanday Brother kag Sister Roman ang ila pagtuo sang naghimo sila sing mga pagbag-o sa ila kabuhi? (Mat. 6:33) (14) Paano ginapadaku sini nga video nga dapat iaman sang mga ulo sang pamilya ang ila espirituwal nga mga kinahanglanon? (1 Tim. 5:8) (15) Ano ang imo determinasyon bilang ulo sang pamilya?

PATALUPANGOD SA MGA ULO SANG PAMILYA: Ining moderno nga drama ginpagua sa rehiyonal nga mga kombension sang 2011. Sadto nga tion, narealisar mo bala nga dapat mo pauswagon ang inyo pangpamilya nga pagsimba? Kamusta subong? Kon sa banta mo kinahanglan ang dugang nga mga pagbag-o, palihug ipangamuyo ini kag maghimo sing mga pagbag-o para sa dayon nga kaayuhan sang imo pamilya.—Efe. 5:15-17.