PAGKABUHI BILANG CRISTIANO

Buligi ang Inyo Pamilya nga Dumdumon si Jehova

Ginsugo si Jeremias nga paandaman ang mga Judiyo sa nagahilapit nga kalaglagan sang pungsod bangod nalipatan nila ang ila Dios, si Jehova. (Jer 13:25) Ngaa natabo ini sa pungsod? Nagluya ang espirituwalidad sang Israelinhon nga mga pamilya. Mahimo nga wala ginsunod sang mga ulo sang pamilya ang panuytoy ni Jehova sa Deuteronomio 6:5-7.

Pamilya sang nagasolo nga ginikanan nga nagahiwat sang ila Pangpamilya nga Pagsimba; pamilya nga nagagamit sang mapa sang mga lugar sa Biblia sa ila Pangpamilya nga Pagsimba

Ang mabakod nga espirituwalidad sang mga pamilya nagabulig nga mangin malig-on ang mga kongregasyon subong. Ang mga ulo sang pamilya makabulig nga dumdumon sang ila pamilya si Jehova paagi sa regular kag mapuslanon nga pangpamilya nga pagsimba. (Sa 22:27) Sa tapos matan-aw ang video nga “Ining mga Sugo . . . Dapat Huptan Ninyo sa Inyo Tagipusuon”—Interbyu sa mga Pamilya, sabti ang masunod nga mga pamangkot:

Ano ang ginhimo sang pila ka pamilya para indi maupangan sang kinaandan nga mga balagbag ang ila pangpamilya nga pagsimba?
Ano ang pila ka pagpakamaayo sang regular kag mapuslanon nga pangpamilya nga pagsimba?
Kon parte sa pangpamilya nga pagsimba, ano ang akon nabudlayan, kag ano ang plano ko nga himuon para masolusyunan ini?