Pagpauswag sang Aton mga Ikasarang sa Ministeryo—Pagpanaksi sa Duog sang Negosyo

Kon Ngaa Importante: Bangod madamo nga tawo ang nagatrabaho, sa masami, ang pinakamaayo nga paagi para mapanaksihan sila sing mensahe sang Ginharian amo ang pagkadto sa ila ulubrahan. Makalilipay kag mabungahon ang pagpanaksi sa duog sang negosyo bangod ara gid ang mga tawo kag matinahuron ang mga empleyado sa ila mga kustomer. Agod mangin epektibo, dapat mangin mataktikanhon kag maayo nga halimbawa ang mga manugbantala sa ila pamayo kag pamustura. (2 Cor. 6:3) Gani, dapat i-monitor sang manugtatap sang pag-alagad kon daw ano kasunson ginatuptupan ang duog sang negosyo kag kon sin-o ang nagakobre sini.