Kon Paano Gamiton ang JW Library

SA PAGTUON:

• Basaha ang Biblia kag ang adlaw-adlaw nga teksto

• Basaha ang Tuigan nga Libro, mga magasin, kag iban pa nga publikasyon. Gamita ang bookmark nga feature

• Maghanda para sa mga miting sang kongregasyon, kag butangi sang highlight ang mga sabat

• Magtan-aw sang mga video

SA MGA MITING:

• Tan-awa ang mga teksto nga ginsambit sang humalambal. Gamita ang history nga feature para mabalikan ang teksto

• Sa baylo nga magdala sang madamo nga naimprinta nga publikasyon sa miting, gamita ang imo device para sundan ang mga bahin kag sa pag-amba. Ang JW Library may bag-o nga mga ambahanon nga wala pa sa naimprinta nga libro sang ambahanon

SA MINISTERYO:

• Ipakita sa interesado ang isa ka publikasyon sa JW Library, kag buligi sia nga ma-download ang app kag ang mga publikasyon sa iya device

• Gamita ang search nga feature para makita ang teksto sa Biblia. Mahimo mo i-type ang tinaga ukon prase para makita ang teksto

• Ipatan-aw ang video. Kon ang tagbalay may kabataan, mahimo mo ipatan-aw ang isa sa mga video nga Mangin Abyan ni Jehova. Ukon mahimo mo ipatan-aw ang video nga Ngaa Dapat Tun-an ang Biblia? para mapalambo ang interes sa pagtuon sang Biblia. Kon ang tagbalay nagahambal sing tuhay nga lenguahe, ipatan-aw ang video sa iya mismo lenguahe

• Ipakita sa tagbalay ang teksto sa iya mismo lenguahe nga na-download mo. Buksi ang teksto, itum-ok ang numero sang bersikulo, dayon itum-ok ang icon nga nagapagua sang pareho nga teksto sa iban nga translation