Ang Paghupot sing Simple nga Kabuhi Nagabulig sa Aton nga Dayawon ang Dios

Kahapos lang mangin komplikado ang aton kabuhi subong. Nagakinahanglan sang tion kag kusog para magbakal kag magbayad, dayon maggamit, magmentinar, kag magtipig sang mga pagkabutang. Nagkabuhi sing simple si Jesus para indi sia matublag sang materyal nga mga butang sa iya ministeryo.​—Mat 8:20.

Paano mo mapasimple ang imo kabuhi agod mas madamo ang imo mahimo sa ministeryo? Paagi sa pila ka pagbag-o, may miembro bala sang imo pamilya nga makapayunir? Bisan pa bug-os tion ka nga nagaalagad subong, amat-amat mo bala nga ginatugutan ang materyal nga mga butang nga magpakomplikado sang imo kabuhi? Kon simple ang imo kabuhi samtang nagaalagad kay Jehova, mangin malipayon ka kag kontento.​—1Ti 6:7-9.

Isulat ang mga paagi nga mapasimple mo ang imo kabuhi.