Pagpauswag sang Aton Ikasarang sa Ministeryo—Paghimo sing Maayo nga mga Sulat

KON NGAA IMPORTANTE: Ang libro sang 1 Corinto amo ang isa sa 14 ka sulat ni apostol Pablo para palig-unon ang iya masigka-Cristiano. Kon ang isa nagahimo sing sulat, mapili niya sing maayo ang mga tinaga nga iya gamiton, kag mahimo ini basahon sing pila ka beses sang ginpadal-an niya. Ang sulat isa ka maayo nga paagi nga makapanaksi sa imo mga paryente kag kilala. Epektibo man ini nga paagi nga makapanaksi sa mga tawo nga indi mo maistorya sing personal. Halimbawa, may interesado nga indi mo pirme maabtan sa ila balay. Ang iban sa aton teritoryo mahimo mabudlay kadtuan bangod nagaistar sila sa mga apartment ukon komunidad nga guardiado katama, ukon sa malayo nga mga lugar. Ano ang pila ka butang nga dapat tandaan, ilabi na kon nagasulat sa indi mo kilala?

KON PAANO HIMUON:

• 

  Isulat kon ano ang ihambal mo sa personal. Ipakilala ang imo kaugalingon sa umpisa sang sulat, kag isugid ang imo tuyo sa pagsulat. Puede ka mamangkot nga makapahunahuna sa tawo, kag itudlo sia sa aton website. Dayon isugid sa iya ang parte sa Online Bible Study Lessons (wala sa Hiligaynon), ang aton ginahimo nga pagtuon sa Biblia sa puluy-an, ukon sambita ang pila ka tig-ulo sang mga kapitulo sa isa sa mga publikasyon nga ginagamit naton sa pagtuon. Puede mo ilakip ang contact card, imbitasyon, ukon tract

• Lip-uta lang. Ang imo sulat dapat indi tama kalawig kay basi matak-an sa pagbasa ang imo padal-an.—Tan-awa ang sampol nga sulat

• Rebyuha ang imo sulat para masiguro mo nga wala ini sing sala kag mahapos basahon. Siguraduha nga mainabyanon, matinahuron, kag positibo ini