Ginaamligan ni Jehova ang Iya Katawhan

Ang una nga Paskua isa gid ka importante nga hitabo. Sadto nga gab-i, sang nabal-an sang Paraon nga napatay ang iya panganay, nagsiling sia kay Moises: “Lakat na kamo kag maghalin sa tunga sang akon katawhan, kamo kag ang mga Israelinhon. Lakat na kamo kag mag-alagad kay Jehova, subong sang ginsiling ninyo.” (Ex 12:31) Ginpakita ni Jehova nga ginaamligan gid niya ang iya katawhan.

Kon tan-awon naton ang kasaysayan sang katawhan ni Jehova sa aton tion, maathag nga padayon gid sila nga ginagiyahan kag ginaamligan ni Jehova. Amo gid sini ang ginapadaku sa museum sa ulong talatapan nga natig-uluhan “A People for Jehovah’s Name.”

TAN-AWA ANG VIDEO NGA PAG-TOUR SA MUSEUM SA WARWICK: “A PEOPLE FOR JEHOVAH’S NAME,” DAYON SABTI ANG MASUNOD NGA MGA PAMANGKOT:

• 

  Ano ang gingamit sang mga Estudyante sang Biblia halin sang 1914 para mapalig-on ang ila pagtuo sa Biblia, kag daw ano ini ka madinalag-on?

• 

  Ano nga pagtilaw ang natabo sang 1916 kag 1918, kag ano ang pamatuod nga ginatuytuyan ni Jehova ang iya organisasyon?

• 

  Paano nangin malig-on ang pagtuo sang katawhan ni Jehova bisan pa may mga pagpamatok?

• 

  Ano ang bag-o nga paghangop nga nabaton sang katawhan ni Jehova sang 1935, kag ano ang epekto sini sa ila?

• Kon naka-tour ka sa sini nga museum ukon sa inyo sanga talatapan, ano ang nakita mo nga nakapalig-on sang imo pagtuo nga ginagiyahan kag ginaamligan ni Jehova ang iya katawhan?