Indi Magpalapta sang Kabutigan

Subong, madasig nga maglapta ang impormasyon sa minilyon ka tawo paagi sa naimprinta nga balasahon, radyo, TV, kag Internet. Ang mga nagasimba sa “Dios sang kamatuoran” indi gid gusto nga magpalapta sang sala nga impormasyon, bisan pa indi hungod. (Sa 31:5; Ex 23:1) Ang mga kabutigan nga ginpasa sa iban makahalit gid. Para mabal-an mo kon matuod ini, pamangkuta ang imo kaugalingon:

• ‘Masaligan bala ang ginhalinan sini?’ Ang nagsugid sa imo sang impormasyon mahimo wala man kabalo sang tanan nga detalye. Kon napasapasa na ang impormasyon, mahimo nagabag-o ini. Gani maghalong kon wala ka kabalo kon diin gid ini naghalin. Ang mga may pribilehiyo sa kongregasyon ginasaligan gid kag ginarespeto nga ginahalinan sang impormasyon. Gani maghalong gid sila kon nagapasa sang impormasyon nga indi sigurado kon matuod

• ‘Nagapakalain bala ang impormasyon?’ Kon makaguba ini sa reputasyon sang isa ka tawo ukon grupo, mas maayo nga indi ini pag-ipalapta.—Hul 18:8; Fil 4:8

• ‘Mapatihan gid bala ang impormasyon?’ Maghalong kon makabati sang daw indi mapatihan nga mga istorya kag eksperiensia

TAN-AWA ANG VIDEO NGA PAANO KO MALIKAWAN ANG TSISMIS? DAYON SABTI ANG MASUNOD NGA MGA PAMANGKOT:

• 

  Base sa Hulubaton 12:18, paano makahalit ang aton mga ginahambal?

• 

  Paano ang Filipos 2:4 makabulig sa aton nga mangin maalamon kon nagaistorya parte sa iban?

• 

  Ano ang dapat naton himuon kon ang pag-istoryahanay nagapakalain na sa iban?

• 

  Antes kita mag-istorya parte sa iban, ano ang aton dapat ipamangkot sa aton kaugalingon?