Pagpauswag sang Aton Ikasarang sa Ministeryo—Pagpanaksi Paagi sa Kamera Ukon sa Intercom

KON NGAA IMPORTANTE: Bangod sa pag-uswag sang teknolohiya kag paglapnag sang krimen, madamo na ang nagagamit sang kamera kag intercom sa ila mga balay. Mahimo makulbaan kita sa pagsugid sang maayong balita sa isa nga indi naton personal nga makita, pero makita niya kita. Ang masunod nga pahanumdom makabulig sa aton nga indi makulbaan kon nagapanaksi kita paagi sa kamera ukon intercom.

KON PAANO HIMUON:

• Mangin positibo. Madamo sang tawo nga ang ila balay may kamera ukon intercom ang gusto mag-istorya sa aton

• Tandai nga ang iban nga kamera nagarekord na nga daan antes ka pa makapindot sang doorbell kag makita ka na kag mabatian sang tagbalay samtang nagapalapit ka pa lang

• Kon magsabat ang tagbalay, istoryaha sia sa intercom ukon kamera nga daw pareho lang nga ginaistorya mo sia sa personal. Magyuhum kag maghulag sing natural. Ihambal ang ginaplano mo nga isiling nga daw pareho lang nga ara sia sa atubang mo. Kon may kamera, indi pag-ipalapit ang imo hitsura. Kon wala nagsabat ang tagbalay, indi magbilin sang mensahe

• Sa tapos sang inyo pag-istoryahanay, tandai nga mahimo nagapanilag pa ukon nagapamati ang tagbalay sa imo