Pinasahi nga Kampanya sa Nobiembre Para Ibantala ang Ginharian sang Dios

Ginbantala ni Jesus “ang maayong balita sang Ginharian sang Dios.” (Lu 4:43) Gintudluan man niya ang mga tawo nga ipangamuyo ina nga Ginharian. (Mat 6:9, 10) Sa Nobiembre, may pinasahi kita nga kampanya para ibantala ang Ginharian sang Dios. (Mat 24:14) Maghanda sing abanse para makapakigbahin ka sa sini nga kampanya. Ang mga auxiliary payunir mahimo makapili kon bala 30 ukon 50 ka oras ang ila lab-uton sa sini nga bulan.

Tinguhai gid nga makabasa sing teksto parte sa Ginharian sang Dios sa mga tawo sa inyo teritoryo. Kon nagapili sing teksto, pamensara ang ginapatihan sang imo mga kaistorya. Kon interesado ang tagbalay sa una ninyo nga pag-istoryahanay, hatagi sia sing publiko nga edisyon sang Ang Lalantawan Num. 2 2020. Baliki sia dayon, kag sugdi ang pagtuon sa Biblia paagi sa isa ka publikasyon sa aton Teaching Toolbox. Malapit na gid lang dugmukon sang Ginharian sang Dios ang tanan nga awtoridad nga nagapamatok sa sini. (Dan 2:44; 1Co 15:24, 25) Gani, makigbahin gid kita sa sining pinasahi nga kampanya para mapakita naton nga dampig kita kay Jehova kag sa iya Ginharian!