Isugid ang Maayong Balita nga Malapit Na ang Bag-ong Kalibutan!

Sa Nobiembre, may pinasahi kita nga kampanya para isugid ang maayong balita nga malapit na ang bag-ong kalibutan. (Sa 37:10, 11; Bug 21:3-5) Maghanda sing abanse para makapakigbahin ka sa sini nga kampanya. Kon mag-auxiliary payunir ka, mahimo ka makapili kon bala 30 ukon 50 ka oras ang imo lab-uton sa sina nga bulan.

Tinguhai nga makabasa sang teksto parte sa bag-ong kalibutan sa mas madamo nga tawo. Kon nagapili sing teksto, pamensara kon ano ang makapainteres sa mga tawo sa inyo teritoryo. Kon interesado ang tagbalay sa una ninyo nga pag-istoryahanay, hatagi sia sing kopya sang publiko nga edisyon sang Ang Lalantawan Num. 2 2021. Baliki sia dayon, kag sugdi ang pagtuon sa Biblia nga ginagamit ang Magkabuhi sing Wala Katapusan! nga brosyur. Makalilipay gid nga mangin masako sa pagsugid sing “maayong balita tuhoy sa mas maayo nga butang”!—Isa 52:7.

TAN-AWA ANG VIDEO SANG ORIHINAL NGA KANTA NGA SA BAG-O NGA DUTA, DAYON SABTI ANG MASUNOD NGA MGA PAMANGKOT:

• Ano nga matahom nga palaabuton ang ginaimadyin sang bata nga babayi?

• Ano ang gusto mo gid nga maeksperiensiahan sa bag-ong kalibutan?

• Paano ang pagpamalandong sa imo paglaum makabulig sa imo nga makapakigbahin sing bug-os sa kampanya sa Nobiembre?—Lu 6:45