Buligi ang Imo mga Estudyante sa Biblia nga Magtuon

Para mas makilala sang mga Bible study si Jehova kag mangin hamtong sila nga Cristiano, indi lang ang kamatuoran nga ginatudlo naton sa ila ang dapat nila mahibaluan. (Mat 5:3; Heb 5:12–6:2) Dapat man nila mahibaluan kon paano magtuon.

Sa umpisa pa lang, ipakita sa imo mga Bible study kon paano maghanda sa inyo pagtuon, kag palig-una sila nga himuon ini. (mwb18.03 6) Hambala sila nga mas maayo nga mangamuyo sila anay antes nila sugdan ang pagtuon. Tudlui sila kon paano ma-access kag gamiton ang elektroniko nga mga tools sa pagtuon. Tudlui sila kon paano makita ang bag-o sa jw.org kag JW Broadcasting^®. Amat-amat sila nga tudlui kon paano basahon ang Biblia kada adlaw, handaan ang mga miting sa kongregasyon, kag mag-research para makita ang sabat sa ila mga pamangkot. Buligi sila kon paano nila pamalandungan ang ila natun-an.

TAN-AWA ANG VIDEO NGA BULIGI ANG IMO MGA ESTUDYANTE SA BIBLIA NGA MAGTUON, DAYON SABTI ANG MASUNOD NGA MGA PAMANGKOT:

• 

  Paano ginpakita ni Neeta kay Jade nga ang pagtuon indi lang basta pagpangita sang sabat sa mga pamangkot?

• 

  Ano ang nagkumbinsi kay Jade nga husto gid si Jehova sa pagdumili sa seksuwal nga imoralidad?

• 

  Ano ang naintiendihan ni Jade parte sa pagpamalandong?