Buligi ang Imo mga Estudyante sa Biblia nga Mapalambo ang Personal nga Kaangtanan kay Jehova

Gusto ni Jehova nga ang rason sang aton pag-alagad sa iya amo ang gugma naton sa iya. (Mat 22:37, 38) Kon palangga sang imo mga Bible study ang Dios, makabulig ini sa ila nga maghimo sang mga pagbag-o kag mangin malig-on kon may pagtilaw. (1Ju 5:3) Kon palangga man nila ang Dios, mapahulag sila nga magpabawtismo.

Ipakita sa imo mga Bible study nga palangga sila sang Dios. Pamangkuta sila: “Ano ang ginatudlo sini sa imo parte kay Jehova?” ukon “Paano ini nagapakita nga palangga ka sang Dios?” Ipakita sa ila kon paano sila ginabuligan ni Jehova. (2Cr 16:9) Isugid sa ila kon paano ginsabat ni Jehova ang imo mga pangamuyo, kag buligi sila nga makita kon paano ginasabat ni Jehova ang ila mga pangamuyo. Nalipay gid kita kon makita naton nga nabatyagan sang aton mga Bible study nga palangga sila ni Jehova kag kon paano nila ginapakita ang ila gugma sa iya.

TAN-AWA ANG VIDEO NGA BULIGI ANG IMO MGA ESTUDYANTE SA BIBLIA NGA MAPALAMBO ANG PERSONAL NGA KAANGTANAN KAY JEHOVA, DAYON SABTI ANG MASUNOD NGA MGA PAMANGKOT:

• 

  Ano ang problema ni Jade?

• 

  Paano sia ginbuligan ni Neeta?

• 

  Paano nasarangan ni Jade ang iya problema?