Buligi ang Imo mga Estudyante sa Biblia nga Magtambong sa mga Miting

Importante gid nga bahin sang putli nga pagsimba ang mga miting sang kongregasyon. (Sa 22:22) Nalipay gid ang tanan nga nagatipon sa pagsimba kay Jehova kag ginapakamaayo sila. (Sa 65:4) Madasig ang pag-uswag sang mga Bible study kon pirme sila nagatambong sa mga miting.

Ano ang himuon mo para makatambong ang imo mga Bible study sa mga miting? Agdaha sila pirme. Ipatan-aw sa ila ang video nga Ano ang Ginahimo sa Kingdom Hall? Ipaathag sa ila kon ano ang ila mabenepisyo sa mga miting. (lff leksion 10) Puede mo isugid sa ila ang pila ka punto nga natun-an mo sa miting ukon kon ano ang binagbinagon sa masunod nga miting. Hatagi ang imo mga Bible study sang publikasyon nga gamiton sa miting. Buligi man sila nga makakadto sa Kingdom Hall kon kinahanglanon. Malipay ka gid kon magtambong na ang imo mga Bible study sa miting.​—1Co 14:24, 25.

TAN-AWA ANG VIDEO NGA BULIGI ANG IMO MGA ESTUDYANTE SA BIBLIA NGA MAGTAMBONG SA MGA MITING, DAYON SABTI ANG MASUNOD NGA MGA PAMANGKOT:

• 

  Paano nakakita sing kahigayunan si Neeta nga maagda si Jade sa miting sang kongregasyon?

• 

  Ngaa nalipay kita kon ang aton Bible study nagatambong sa mga miting?

• 

  Ano ang naeksperiensiahan ni Jade sang una niya nga pagtambong sa miting?