Pakigbatui ang Imo mga Handum

Pirme kita nagapakigbato sa aton mga handum bangod indi kita himpit. Kon indi naton ini mabatuan, madula naton ang kahamuot ni Jehova. Halimbawa, mas ginauna sang iban ang ila handum sa pagkaon, bayo, kag ilistaran sangsa ila gugma sa Dios. Ginapaayawan naman sang iban ang ila seksuwal nga handum bisan pa supak ini sa talaksan sang Dios. (Ro 1:26, 27) Ang iban naman nagapadala sa malain nga impluwensia sang ila mga kaedad para lang batunon sila.—Ex 23:2.

Paano naton pakigbatuan ang aton mga handum? Dapat unahon naton ang espirituwal nga mga butang. (Mat 4:4) Dapat man naton pangabayon si Jehova nga buligan kita nga pakigbatuan ang aton mga handum. Ngaa? Kay nakahibalo sia kon ano ang pinakamaayo para sa aton kag kon paano ihatag ang aton nagakaigo nga mga handum.—Sa 145:16.

TAN-AWA ANG VIDEO NGA INDI PAGPASUGTI NGA AMAT-AMAT NGA MAUPOS ANG IMO KABUHI, DAYON SABTI ANG MASUNOD NGA MGA PAMANGKOT:

• 

  Ngaa nagapanigarilyo ang iban nga tawo?

• 

  Ano ang epekto sa imo kon nagapanigarilyo ka?

• 

  Ngaa malain ang pagpanigarilyo kag pag-vape?—2Co 7:1

• 

  Ano ang himuon mo para mapangindian ukon mauntatan ang pagpanigarilyo?